Etnik Ĭlĭşkĭler Bölĭmĭnde canı dewlet astsekreterĭ Dincer Geafer boldı. RTMTDB teklifĭmen em de Temsĭlcĭler Meclisĭn Ulusal Azınlıqlar Grubı üyelerĭnĭñ destegĭmen, 512/18 Ekim 2021 sayılı qararlıman, Romanya Türk – Müslüman Tatarların Demokrat Bĭrlĭgĭn eskĭ genel sekreter Dincer Geafer canı görewĭne bĭldĭrlendĭ. „Toplılıqnı sorımlı bĭr şekĭlde temsĭl etecek em de toplımǧa em de bĭrlĭke şĭmdĭge qadar etkendiy görewĭnĭ etecek Dincer Geafer kelecegĭn caş bĭr qışı 18 yaşından berĭ bĭrlĭgĭn önemlĭ bĭr üyesĭ. Bĭrlĭkmen ostı em de toplılıqnın sorularını, zorlıqlarını em de zayıp noqtalarını bĭle. RTMTDB genel sekreter, pĭtĭn organizasyon ĭşlerĭ, idare faaliyetlerĭ onın görewĭnde boldı, em de pĭtĭn sorınlarnı arüw yerĭne ketĭrdĭ. Bĭrlĭkte aktif bolǧan pĭtĭn senelerde qazanǧan deneyĭm canı ĭşĭne yardımcı bolacaq. Onı destekliymĭz em de başarılar aytamız!” RTMTDB başqanı Gelil Eserghep bonday ayttı.
