2021 senesĭn başından berĭ aşı etkenden soñra, bo qonıda toplımǧa örnek bolmaq ĭstegen müftĭ Muurat Iusuf, geşken kün üşĭncĭ doz anti-COVID aşısını da etkenĭn aytı. Aynı zamanda toplımǧa mesajı cesaret köstermek em de aşı etmek ĭstegĭ.
Romanya’da Müslüman Kültĭñ Müftĭ’nĭñ resmi Facebook saypasında, Müftĭ Muurat Iusuf bonday yazdı:
“Mewcut sawlıq baǧlamında, er bĭrĭmĭzĭn üşĭn em de yaqınlarımızın üşĭn saqınlı bolmaq bek önemlĭ. Sawlıǧımıznı em de süygenlerĭmĭznĭ qorımaq. Bo sene SARS-CoV-2 virüsĭ, bĭr buşıq seneden pazla bĭr süre epĭmĭznĭ raaatsız etken, uǧradıǧı mutasyonların sonrasında, taa bulaşıcı, ama bo sene, geşken seneden köre, küreşmek üşĭn en yaqşı colı bĭzde: aşı! Bo sene başından ekĭ doz aşını alǧandan sonra, Romanya Müslüman Kültĭñ Müftĭlĭk başqanı, müftĭ Muurat Iusuf, bo kün üşĭncĭ doz etmege kettĭ (booster), kene o zamanda toplılıǧın pĭtĭn üyelerĭn teşvik ettĭ, virüse qarşı taa quwetlĭ bolmaq, sawlıq üşĭn aşını güwenmen etsĭnler. Şĭmdĭ aşı COVID-19 pandemige qarşı mücadelede en etkĭlĭ colıdır. Doqtorlarǧa, bĭlĭmge inanıp onıştan şĭmdĭ üşĭncĭ doznı etecekmen. Bo bĭzĭm körewĭmĭz, inanç ya da qonışqan tĭl ne bolırsa bolsın, bo salǧınman küreşeyĭk. Sawlıq en önemlĭ hediye Allah tan. Alayĭnĭz bonday etĭnĭz, sĭzge em de süygenlerĭnĭzge sade bo col arüw, sade bonday pandemiden qurtulacaqmız em de arüw künler yaşaycaqmız”, müftĭ Muurat Yusuf bonday ayttı.
